مسرحية : الخروج عن النص
ـــــــــــــــــــــــــــــــــــــــــــــــــــــــــــــــــــــــــــ
كلمات الأغانى كتبها الشاعر حسام العقدة
ـــــــــــــــــــــــــــــــــــــــــــــــــــــــــــــــــــــــــــ
الأغنية الأولى
تلات وشوش لألف دور
واحنا الشخوص ... واحنا الديكور
.............
نكسر سوا حد السواد
ولاّ السواد ملو البلاد
يا آه من جوه الفؤاد
حتخطى ضلمه حتلقى سور
.............
نطلع لفوق ... لفوق ... لفوق
ولاّ نقع يمكن نفوق
باين على عنينا الهدوء
وفـ لحظه أحلامنا تثور
.............
برواز خشب ... دهب ... رخام
جواه مصيرنا والسلام
حانعيد وراه نفس الكلام
ولاّ حانهرب م السطور
الأغنية الثانية
أى طاقة نور نبان
لو حايجى علينا دورنا
خرجونا م البِِيبان
خرجونا من صدورنا
............
جد هزل ... هزل جد
ألف باب وألف سد
عدى صوتنا كل حد
يلتقى معنى لحياتنا
.............
دا اختيارنا ولاّ جبر
ولاّ محبوسين فى قبر
عدى الاحتمال يا صبر
مهما نهرب جوا ذاتنا
.............
مين حا يلحق بس مين
واحنا كلنا غرقانين
يبقى إيه معنى السنين
والنهايه فى بدايتنا
