مسرحية عباسية جداً
تأليف : أسامه نور الدين
ــــــــــــــــــــــــــــــــــــــــــــــــــــــــــــــــــــــــــــــــ
كلمات الأغانى والاستعراضات : الشاعر حسام العقدة
ــــــــــــــــــــــــــــــــــــــــــــــــــــــــــــــــــــــــــــــــ
الاستعراض الأول :
المجموعة :
تمثيل ... تمثيل ... تمثيل
وبلاش من بره
ديكورات ... وصريخ وسكات
كلاكيت أول مره
البطلة (الطبيبة)ـ :
وان جه فى بالك حاجه تقولها....................
أو فكره فى نفسك ... اعملها
مثلاً إنت حاتعمل إيه ؟
أحد النزلاء :
أنا حاعمل فلاح فى الأرض
وازرع فدادين كلها ورد
نزيل آخر :
وانا حارجع بلدى فى الحال
وحابطل أكون بقى رحال
من قاره لقاره
المجموعة :
كلاكيت أول مره
الطبيبة :
وانت قولى حاتعمل ايه ؟
نزيل ثالث :
أنا حاعمل روميو المجنون
وحابطل أكون بقى مجنون
نزيل رابع :
وانا حاعمل دور الباشا
وآكل فنضام وبغاشه
واضرب فلاح بالجزمه
وأصيف بره
المجموعة :
كلاكيت أول مره
الطبيبة :
وانته حاتفضل ساكت ...ولاّ حاتعمل إيه ؟
لو عايز تتكلم ... دورك قولى عليه
نزيل آخر :
وانا حاكتب شعر حماسى
من جوه صميم إحساسى
مش كدب ... حقيقى وفعلاً
عن مصر الحره
المجموعة : كلاكيت أول مره
الفنالة (نهاية العرض المسرحى)ـ
يا أحلى ضحكة رضيع
فى لمح عينك تضيع
فى عز عز الربيع ... وتموت
..............
شرق وغرب كتير
عدى بحورك وسير
برضه حاتفضل أسير للقوت
.............
تايه مابين المدن
ويوم ماتلقى الوطن
تكون مجرد بدن فى تابوت
.............
فكوا قيود القدر
شقوا بإيدكوا الحجر
حسره عليك يا بشر مكبوت
