ونيفين الطويل ووليد الدميرى
لمسرحية الرهائن
التى عرضها فريق التمثيل بكلية الطب جامعة المنصورة
أول مـرة علـى المسـرح القومـى فـى 27 مـارس 1997
ــــــــــــــــــــــــــــــــــــــــــــــــــــــــــــــــــــــــ
كلمـات استعراضات المسرحية
ــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــ
استعراض (1)
ـــــــــــــــــــــــــ
حنفِن ونعمل فن
ونهد ونبنى اللون والسن
لأن الفن أكيد حيبان
من غصبن عن عين أتخن جن
***
ولأن المخرج مش ولابد
وإن جنون الفن بجد
قررنا نجيب كل الروايات
ونمثل أشهر شخصيات
روميو وكليوباترا بهيّه عطيل
يتجن صاحبنا نسيبه يرن
***
أترن الفن مالُهش كبير
ومتّوه منا قليل وكتير
بنحب نعيش زى الدراويش
وياريت الفن يأكل عيش
بيغلب فينا نغلب فيه
ونسيبه ونرجع تانى نحِن
***
وإكمن الجبن مالهش أساس
نخبطه فى دماغه بألف مداس
حنلاقى الحق ساعتها إتحق
ومعدش اسهل من قولة لأ
وإن كانت صعبه علينا قوى
وحيبدأ خوف جوّانا يزن
نفن نفن ونعمل فن
نهد ونبنى اللون والسن لأن الفن أكيد حيبان
من غصبن عن عين أتخن جن
ـــــــــــــــــــــــــــ
استعراض (2)
ــــــــــــــــــــــــــــ
كده إش وإش دى حاجه توش
من عصر المش لعصر الدش
***
والإختراعات ماليه البوتيكات
ولا كلاكسات العربيات
والبسوا يا بنات أحدثها موضات
ويكُع الواد قبل اما يقش
كده إش وإش دى حاجه توش
من عصر المش لعصر الدش
***
حنصنَّع ليه والا نورّد
واحنا اللى حياتنا المستورد
وفلوسك راحه ... بضاعتك جات
واللعب كمان بقى له كذا وش
كده إش وإش دى حاجه توش
من عصر المش لعصر الدش
***
بحلق عينك وإقفل عقلك
لما التلفزيون يندهلك
يوم والا يومين سنه والا إتنين
خليك قدامه وما تعدش
كده إش وإش دى حاجه توش
من عصر المش لعصر الدش
***
ميت ألف قناه نطين منّه
أفلام وبرامج على ودنه
من شرق وغرب شمال وجنوب
غير لسه كمان قنوات حتخش
ــــــــــــــــــــــــــــ
استعراض (3)
ــــــــــــــــــــــــــــ
شايفين وفاهمين ... وساكتين
رجليكوا فى الخيّه عارفين
***
لكن عينين إزاز
ولسانكوا من صفيح
بيقول كلام نشاز
وياريت كمان صريح
وعملتوا ودن طين
وودن من عجين
***
شايفين وفاهمين ... وساكتين
رجليكوا فى الخيّه عارفين
***
إتكلموا إنطقوا
وخطوا بالقدم
قبل اما تغرقوا
فى صمت خوف ودم
يا ينطق اللسان
يا تنطق الإيدين
***
شايفين وفاهمين ... وساكتين
رجليكوا فى الخيّه عارفين
***
برملة الشطوط
مكتوب حروف بلد
بين ألف موت وموت
قدرها تتولد
لو حتى كانوا إيه
لو حتى كانوا مين
***
شايفين وفاهمين ... وساكتين
رجليكوا فى الخيّه عارفين
ــــــــــــــــــــــــــــــــــــــــــــــــــــــــــــــــــــــــــــــ
أغانــى للمســـرحية
ـــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــ
(1)
ــــــــــــــــ
عايزين ... عايزين ....
عايزين ... عايزين ....
عايزين نحلم محناش عارفين
ننطق ... نسكت ...
نبرح ... نثبت ...
والخطوه ياهوه حتاخدنا لفين
محناش عارفين
***
الحلم يخطّى حروف تتفال
تنطق جوَّانا بألف سؤال
والكلمه بخوف إزاى حنشوف
ونجيب الحكمه إزاى ومنين ...
محناش عارفين ...
ــــــــــــــ
(2)
ــــــــــــــ
حافرش على الليل سكوتى
مادام مفيش ولا كلمه حره
ياكدب مخنوق فى صوتى
ساعات بتبقى حقيقه مره
ودينى بإيديك لموتى
واشهد عليّه ألف مره
ـــــــــــــ
(3)
ــــــــــــــ
لو دمى هوه اللى يسقيك يا تُراب
يبقى احتمل إن توبى يكون كفن
ولو بموت من شرارك يا قريب
حتبقى إيد الغريب إزاى أحن
فاتح لريح الدمار ليه ألف باب
تكتب بإيدك على أرضك ... خراب
لو كنت عرفاك بعيد زى السراب
لكن حسبتك صحيح إنك وطن
ـــــــــــــ
(4)
ــــــــــــــ
جميله : ببنى القصور ... والرمل نور عـ اليد
سكه وجسور... حواليها سور يتمد
والبحر هادى ... طيب مايئزى حد
لكن ياخوفى ... ساعة الغروب م المد
فاتح : يام العيون سود ... فى البحر شارده
جميله : يمكن ألاقى ... نفسى اللى شارده
فالح : حبنى وطنا ... والأرض شاهده
مش ممكن أرضى ... لو إحتمال يتهد
جميله : لكن ياخوفى ... ساعة الغروب م المد
ـــــــــــــــــــــــــــــــــــــــــــــــــــــــــــــ
كلمات الشاعر : حسام العقدة
ــــــــــــــــــــــــــــــــــــــــــــــــــــــــــــ
