الملك
_ 1 _
الملك مَلَك
والعبيد هلك
واحنا وليناك
مين ها يسألك
دوس ع الجموع
واعلى بالخضوع
حتى لو نجوع
كله حق لك
_ 2 _
شايفين وفاهمين ... وساكتين
رجليكوا فى الخيه ... عارفين ...
بيقول كلام نشاز
وياريت كمان صريح
وعملتوا ودن طين
وودن من عجين ...
اتكلموا ... انطقوا وخطوا بالقدم
قبل اما تغرقوا فى صمت ... خوف ودم
يا ينطق اللسان ... يا تنطق الإيدين ...
برملة الشطوط مكتوب حروف بلد
بين ألف موت وموت قدرها تتولد
لو حتى كانوا إيه ... لو حتى كانوا مين
شايفين ... وفاهمين ... وساكتين
